Gjatë vizitës në Rezidencën Universitare Numër 2, Rama ka bërë me dije se vaksinimi për studentët dhe pedagogët që hyjnë në auditor do të bëhet i detyrueshëm. Teksa inspektonte godinën, Rama ka theksuar se nuk do ketë më nuk dua nga asnjë prej tyre, dhe se kush zgjedh të mos vaksinohet, të largohet nga ky ndërveprim, për aq kohë sa virusi do të jetë vërdallë.
E dyta që është me rëndësi dhe që duhet ta komunikojmë intensivisht me të gjithë rektoratin, tha Rama, është që mund të vijë momenti, duke pasur parasysh edhe çfarë po ndodh nëpër botë, duke pasur parasysh rritjen e numrave, duke pasur parasysh rreziqet që sjell ky varianti i ri Delta, që vaksinimi për studentët që hyjnë në auditore, të bëhet i detyrueshëm, dhe do të duhet që t’ju komunikohet kjo vijimësisht, që, nëse vjen momenti, mos të thonë pse s’na thatë, etj,etj, dhe këtu nuk ka dua s’dua, sepse për të gjithë ata që kanë pjesë të aktivitetit të tyre të qenin bashkë me të tjerë, është përgjegjësi e tyre që nëse për vete mund të thonë s’duam t’ia dimë, të tjerët nuk mund t’i marrin në qafë. Mund të vijë momenti që vaksinimi për studentët për të hyrë në auditore të jetë i detyrueshëm dhe ta nxjerrësh atë në telefon ose në dokument, duke u listuar sipas listave të të vaksinuarëve. Dhe për pedagogët duhet bërë e njëjta gjë. Nuk ka nuk dua, theksoi Rama, ose të thotë nuk dua dhe të tërhiqet nga ai ndërveprim, për aq kohë sa është virusi vërdallë.
