Çdo ditë mëson diçka të re! Para dy ditësh isha me fat, që për një program të ri të zyrës, një ndër feministet më të njohura në Europë kishte pranuar të bisedonte online. Bisedojmë për gjithcka ishte parashikuar dhe ndër të tjera më pyet edhe ajo nëse në Shqipëri kishim X apo Y gjë.
Në bisedë e sipër i them si arritje në fushën e shëndetit publik për vajzat edhe fushatën për vaksinën kundër HPV! Ma pyet pse bëhet vetëm për vajzat dhe jo për djemtë? I them sepse ka të bëjë me parandalimin e kancerit të qafës së mitrës! Më thotë me të drejtë: Ja një shembull tjetër sesi paragjykimet shoqërore e vendosin të gjithë peshën e fajit po edhe të marrjes së masave mbrojtëse përsëri tek vajzat e gratë! Vaksina duhet bërë nga fëmijët djem e vajza sepse i mbron të dy nga HPV! Një vajzë nuk do ta merrte ose transmetonte virusin pa patur një partner seksual, që për shumicën e njerëzve do të thotë një partner i seksit të kundërt!
Mbaroj bisedën e shkoj lexoj, jo për HPV, se ai si virus është i njohur, po për vaksinën. Në SHBA dhe shumë shtete europiane ajo ju ofrohet të gjithë fëmijëve pa përjashtim mbi moshën 9 vjeç deri para moshës 14 sepse i mbron ata thuajse 100% nga hpv. Në Shqipëri, institucionet përgjegjëse kanë zgjedhur ta bëjnë fushatën duke vendosur në qendër vajzat e vogla- që s’ka asgjë të keqe – por duke lejuar që djemtë të vazhdojnë të jenë mbartës! A nuk është ky një diskriminim, qoftë edhe i pjesshëm?
