Ish-zonja e parë Michelle Obama, ka folur për herë të parë mbi spekulimet për një divorc nga Barack Obama, të cilat nisën në janar, kur ish-presidenti u shfaq i vetëm në inaugurimin e Donald Trump, e po ashtu edhe funeralin shtetëror të Jimmy Carter po në janar.
“Njerëzit nuk mund ta kuptojnë që një grua mund të bëjë zgjedhjet e saj,” u shpreh 61-vjeçarja në podcastin e Sophia Bush “Work in Progress”.
Ish-zonja e parë Michelle, ironizoi thashethemet për martesën e saj 30-vjeçare, duke theksuar se “njerëzve u duket e pabesueshme që ajo është një grua e pjekur, që merr një sërë vendimesh vetë”.
Michelle pranoi se i kontrollon më mirë oraret e veta tani që nuk ka të bëjë më me Shtëpinë e Bardhë dhe dy vajzat e çiftit, Malia, 26, dhe Sasha, 23, janë po ashtu të pavarura.
“Unë jam e lirë”, tha ish-zonja e parë, “të bëj atë që dua dhe jo atë që duhet të bëj apo atë që të tjerët duan që unë të bëj”.
Ndër thashethemet që kanë rrethuar ish-çiftin presidencial muajt e fundit, është edhe lidhja e pretenduar e Barack Obamës me aktoren Jennifer Aniston.
Kjo e fundit, gjatë një interviste me Jimmy Kimmel në emisionin e tij, deklaroi se “kjo është absolutisht e pavërtetë”, duke hedhur poshtë gjithë zërat dhe thashethemet e mundshme për një lidhje romantike tyren.
