Ministri i Mbrojtjes së Tajvanit Chiu Kuo-cheng, i ka cilësuar tensionet aktuale mes Kinës dhe Tajvanit si më të këqiat e 40 viteve të fundit, duke paralajmëruar kështu edhe ndonjë përplasje të mundshme mes dy vendeve.
Komentet e Chiu Kuo-cheng, erdhën pasi Kina dërgoi “një numër të madh” avionesh ushtarake në zonën e mbrojtjes së Tajvanit, për katër ditë me radhë. Edhe pse avionët kinezë nuk shkuan deri në ishull, ministri i Mbrojtjes Chiu tha se ekzistonte rreziku për ta bërë këtë gjë “e duke qenë se Kina i ka kapacitetet për t’i pushtuar, një lëvizje e tillë mund të aktualizohej mjaft lehtësisht brenda 2025-s”.
Konflikti mes Kinës dhe Tajvanit, i cili u shkëput më ‘49n, kur komunistët morën pushtetin, vjen se ky i fundit e konsideron veten si shtet të pavarur, ndërkohë që Kina e sheh atë si një provincë separatiste.
Analistët që ndjekin situatën shprehen se Pekini shqetësohet përherë e më tepër për faktin që që qeveria e Tajvanit po e shpie ishullin drejt pavarësisë, dhe synon ta bindë presidentin e saj, që të mos e kryejë këtë akt.
Ndërkaq, i pyetur mbi situatën, presidenti amerikan Biden ka pohuar se homologu i tij kinez Xi Jiping, ka pranuar të respektojë “Marrëveshjen e Tajvanit”, e cila mes të tjerave i lejon edhe Washingtonit të mbajë një marrëdhënie të fortë jozyrtare me Tajvanin, për shkak se Shtetet e Bashkuara i sheshin armë atij, nisur nga “Taiwan Relations Act di Washington”, e ku thuhet madje se Shtetet e Bashkuara duhet ta ndihmojnë Tajvanin të mbrohet në rast rreziku.
E teksa Xi Jiping synon “Kinën e Bashkuar” me Tajvanin si pjesë të vetën një ditë, Bideni deklaroi se do t’i përmbaheshin kësaj marrëveshjeje. “Kam folur me zotin Xi”, tha ai. “Jemi dakord. Do t’i mbahemi “Marrëveshjes së Tajvanit”. E sqaruam që nuk na duhet të bëjmë gjë tjetër, përveçse t’i përmbahemi këtij pakti”.
