Sipas një studimi të fundit izraelit, doza e parë e vaksinës ‘Pfizer’ ofron deri në 75% mbrojtje, kështu që vonesa e dozës së dytë nuk përbën problem. Ky ka qenë përfundimi ku kanë mbërritur profesorët e Sheba Medical Center, i cili përfshiu në studimin e vet si të sëmurët simptomatikë, ashtu edhe ata asimptomatik, duke zbuluar që një dozë e vetme mund të ishte e efektshme duke ofruar deri në 75% mbrojtje.
Studimi është tejet i rëndësishëm, sepse ofron një tjetër qasje në politikën ndërkombëtare mbi vaksinimin anti-kovid. Qysh tani, disa vende që janë duke vaksinuar popullësitë e tyre të mëdha, po diskutojnë mbi mundësinë e shtyrjes së dozës së dytë, në mënyrë që të mund t’i ofrojnë të tërë popullsisë, të paktën dozën e parë.
