Hëna e plotë e sotme, cilësohet prej astrologëve si një hënë e rëndësishme në planin e ndikimit të saj, për hir të efekteve afatgjata që ushtron.
Ja se si do t’i ndikojë shenjat kjo Hënë e plotë, sipas astrologes së mirënjohur Meri Gjini.
***
Nisim një katëditësh të dytë me Hënën tek Peshqit sot deri nesër paradite, ku do të jetë dhe me Neptunin, kështu që ajo që do të na impresionojë sot përveçëse faktit që të gjithë do përpiqemi të vendosim disa pika mbi i mbi çështjet të javës, që sot pa i lënë ato për nesër, mund të dëgjojmë edhe lajme që kanë të bëjnë me motin ose lajme ekstreme, që nuk kanë të bëjnë me ne, por që na ngacmojnë pjesën e problemit të kohës, që janë ndryshimet klimatike.
Problematika e kësaj Hëne të plotë, ka të bëjë me çështjet politike, ka të bëjë me Dash- Peshore, politikë dhe egocentrizëm apo një Un’ të fortë. Informacioni do të ketë të bëjë më tepër me pjesën politike, shtetet do të kenë si pjesë kryesore çështje të ekonomisë së tyre, pra do të dëgjohen apo do të diskutohen tematika të forta, që kanë të bëjnë me ekonominë dhe zhvillimet e tyre, apo investimet e tyre, dhe një nga pjesët e rëndësishme të lëvizjeve ekonomike, ka të bëjë me fuqizimin e sistemit mbrojtës apo të industrisë së armatimeve, industrisë së luftës apo gjëra të kësaj natyre. Kjo do të na impresionojë, sepse na lidhet edhe me disa gjëra që i kemi ne, nuk është vetëm çështja e Kosovës, janë disa pika në të cilat ka problematika të tilla në botë në botë këto momente.
Ndërsa përsa u përket individëve, do të ndikohen shumë nga Mërkuri në një hyrje shumë të fortë me Uranin, i cili do të bëjë të mundur që gjithësecili në çështjet familjare të gjejë një formë ekuilibri, sidomos për të zgjidhur problematika që kanë pasur dhe që kanë të bëjnë me fëmijët e tyre. Faktori i të papriturës vazhdon, e duke qenë që Hëna do të jetë shumë e fortë tek Dashi, pavarësisht se nuk është në shtëpinë e vet, ju lutem shumë domethënë, atë pjesën e reagimeve në ngarkesa të mëdha emocionale, të përpiqemi ta menaxhojmë, të përpiqemi të zbutemi pak jo për tjetrin, por për veten tonë. Duke qenë se është i pranishëm faktori i të papriturës, që do të vazhdojë të jetë për një kohë të gjatë, duhet të mësojmë të duam veten pak më shumë. Para se të reagojmë, të mendohemi e të gjejmë formën se si të mos cënohemi në asnjë lloj drejtimi. Është shumë e rëndësishme.
DASHI duke qenë që e ka Hënën tek vetja, ka një tendencë për të bërë pushim, ka një tendencë për t’u larguar, ka një tendencë për të gjetur gjuhën me veten e vet gjatë këtij 3 ditëshi, ndërsa sa i takon kësaj dite dhe paradites së nesërme, janë çështje që i përkasin profesionit, por për mirë, shumë për mirë, se duket sikur është një fazë të mirë në drejtim të punës së vet.
DEMAT kanë tendencë për të vendosur pikat mbi I, për të vendosur për çështje praktike të shtëpisë, pra që mund jetë ndonjë korrigjim, ndonjë rregullim, ndonjë çështje me arredimin e shtëpisë, do merren me çështje që i përkasin shtëpisë në tërësi gjatë këtyre katër ditëve.
BINJAKËT kanë pasiguri emocionale akoma. Shpresoj që kjo hënë e plotë t’i qartësoj e të jenë në paqe me emocionet e tyre, të cilat në pjesën më të madhe janë të mira e duhet t’i shijojnë.
GAFORRET janë me ngarkesa, do ketë momente në fakt që do të jetë shumë e ngarkuar me emocione, por jo detyrimisht me arsye. Gaforrja e ka Hënën në planetin e vet, kështu që kur është e fortë, pavarësisht pozicionit ku është, që tek Dashi nuk është pozicioni më miqësor për Hënën, por që gjithësesi Gaforrja do t’ia ndjejë ngarkesën, sidomos ditën e premte në darkë dhe të shtunën. Ndërsa e diela do të jetë një ditë shumë e mire për të diskutuar lajme të gëzuara.
LUANËT të cilët kanë një tendencë për t’u marrë me çështje të profesionit dhe kam bindjen se kjo Hënë e plotë do t’ju sjellë një propozim të mirëfilltë për një vend pune. Lidhet drejtpërsëdrejti me punën, karrierën, biznesin, me atë me të cilën ata merren, për të prodhuar lekun e vet.
VIRGJËRESHA do të duhet të gjejë formën, duke qenë se Mërkuri është në hyrje pozitive me Uranin, sidomos të shtunën në darkë dhe të dielën, dhe Hëna është në një pozicion të rëndësishëm, të mos marrin vendime të pamenduara në çështje të rëndësisë jetike, flasim për gjëra që kanë një rëndësi të madhe, jo për sot e për nesër, por për më thellë në brendësi të kohës, kështu që çfarë është e rëndësishme për ta, do duhet të mendohen dy herë përpara se të merret një vendim.
PESHORJA, duke qenë se e ka Hënën përballë dhe ka muajin e ditëlindjes, duket sikur do të gjendet forma që të jenë në qendër të vëmendjes. Gjithësesi për pjesën më të madhe, sidomos për Peshoren e qendrës, kanë qenë çështjet e punës ato që vazhdojnë të jenë në mendimet e tyre, edhe pse janë drejt zgjidhjes, pra presin zgjidhje, një pjesë e mirë e kanë nisur, një pjesë tjetër pret që të nisi dhe pjesa tjetër pret vendosjen përfundimtare.
AKREPAT, duket sikur do të gjejnë mëriztje të vogla edhe kur nuk ka, me njerëzit që i rrethojnë në ambientet familjare. Duket sikur do të ngecen apo do të kapen me dikë në shtëpi.
SHIGJETARËT, është një Hënë e plotë e bukur në fakt për ta, është favorizuese, por më tepër për mënyrën se si do të zhvillohen në mendjen e tyre me çështjet praktike, pra duket sikur, kudo që ta gjejnë veten, do të jenë duke planifikuar lëvizjen tjetër në çështjet e profesionit të tyre. Ndërsa për sa i përket ditës, do ta gjejnë veten me shumë njerëz.
BRICJAPI, do të ankohet nga lodhja dhe nga mundimi apo nga axhenda që do t’ju duket e ngjeshur edhe pse do të duhet, për shenjat e Tokës në përgjithësi, ku hyjnë Bricjapi, Virgjëresha dhe Demat, ngelet prioritet për të zgjidhur çdo pikëpyetje në lidhje me fizikun e tyre.
UJORËT që, ndoshta e mbani mend, ishin më të privilegjuarit për këtë Hënë të plotë kur fola për fillimin e muajit, më shumë nga Peshoret e Dashët që janë dy protagonistët e kësaj Hëne. Kështu që e kanë mirë për të organizuar pjesën sociale, kanë diell në mendime e në kokë.
PESHQIT, në fakt kanë filluar që ditën e djeshme duke menduar për çështje që kanë të bëjnë me ekonominë. Ekonomia është ajo që do t’i stresojë përsa i takon kësaj Hëne të plotë, edhe pse do ta marrin zgjidhjen në ditët e para të muajit tetor, ndërsa afatshkurtër, duket sikur do vazhdojnë të kenë ngarkesa të cilat janë individuale, nuk ka rëndësi natyra, por ndjekin axhendën, sikur refuzojnë të fitojnë kohë për të menduar, pra janë në vrap jashtë vetes, për të shmangur kontaktin me brenda vetes.
Kjo është një hënë shumë e rëndësishme dhe është nga ato ngjarje që shënon në fakt në pjesën e astrologjisë, pra astrologët e marrin shumë në konsideratë si pozicionim, edhe pse, efektet, kur janë kaq të forta këto vendosje, i japin dy-tre ditë përpara e dy tre ditë pas. Pra stërgjatet ndikimi dhe janë në brendësi të kohës, pra marrim një shije të pastër e të parë, dhe pastaj mënyra se si do të zhvillohet, zgjat përtej ditëve të Hënës së plotë dhe ky ndikim do të jetë i gjatë, do të jetë ndoshta deri në mesin e tetorit.
