Sot është mbrëmja finale e Eurovizion 2021, i cili zhvillohet në Roterdam të Hollandës. Në këtë garë të muzikës bashkëkohore evropiane, Shqipëria përfaqësohet prej këngëtares Anxhela Peristeri dhe këngës së saj Karma, me tekst të Olti Currit dhe muzikë të Kleidi Bahitit, fituese në Festivalin e fundit të RTSH-së.
Në faqen e saj zyrtare, Peristeri publikon publikon informacionin dhe fton shqiptarët ngado ndodhen, ta votojnë:
Sonte është nata finale e Eurovizionit, shkruan Peristeri. Unë do performoj e dyta. Të gjithë shqiptarët që jetojnë jashtë Shqipërisë, mund të votojnë në n. e shtetit përkatës me kodin 02, në momentin që fillon votimi dhe nr i telefonit shfaqet në ekran! Nga një telefon mund të votohet deri në 20 herë. Faleminderit shumë për mbështetjen! Ju dua, përfundon ajo.
