Në ditën ndërkombëtare të dhunës ndaj grave, Unicef Italia, bën me disa disa statistika në nivel Global. Sipas tyre, afërsisht një në 5 vajza adoleshente ka pësuar dhunë nga partneri i saj.
Në botë, përqindja e vajzave nga mosha 15 deri në 19 vjeç (që kanë pasur të paktën një partner në jetën e tyre), që kanë pësuar dhunë fizike dhe/ose seksuale nga një partner aktual ose i mëparshëm në 12 muajt e fundit është 19%. Kjo shifër ndryshon në varësi të zonave të marra në konsideratë: për shembull, arrin 26% në vendet më pak të zhvilluara, 24% për Afrikën Lindore dhe Jugore, 22% për Afrikën Sub-Sahariane, 20% për Afrikën Perëndimore dhe Qendrore dhe 19% për Azinë Jugore.
Pse ndodh dhuna?
Sipas Unicef Italia-s, dhuna ndaj vajzave dhe grave ndodh e vazhdon për shumë arsye.
Një faktor kontribues mund të jetë bindja se vajzat dhe gratë kanë një status të ulët në shoqëri dhe duhet të respektojnë e të përputhen me rolet e caktuara gjinore, si ai i nënës apo gruas së përkushtuar. Kur këto role nuk respektohen, në disa kontekste, dhuna nga partneri mund të shihet si një formë ndëshkimi i justifikuar. Në disa kultura, dhuna mund të perceptohet si mënyrë normale dhe e pranueshme për të zgjidhur konfliktet. Kuptimi i normave që qeverisin një shoqëri, sipas Unicef Italia-s, mund të ofrojë të dhëna për shkaqet themelore të dhunës dhe si mund të parandalohet ajo.
Të dhënat nga gjithë bota dëshmojnë se vajzat adoleshente (34%), e justifikojnë justifikojnë rrahjen e grave sa djemtë (35%), megjithëse ka disa dallime midis rajoneve. Në vendet më pak të zhvilluara prek 45% të vajzave dhe 40% të djemve; 45% e vajzave dhe 34% e djemve në Afrikën Lindore dhe Jugore; 43% për vajzat dhe 34% për djemtë në Afrikën Sub-Sahariane; 41% e vajzave dhe 34% e djemve në Afrikën Perëndimore dhe Qendrore; 36% e vajzave dhe 39% e djemve në Azinë Jugore; 16% e vajzave në Evropën Lindore dhe Qendrore; 8% e vajzave në Amerikën Latine dhe Karaibe.
