Një letër e publikuar ditën e sotme prej gazetred Anila Hoxha në fejsbukun e saj, sjell për të gjithë rastin e 77 vjecari, të cilit i është pridhur shtëpia dhe kërkon përshpejtimin e procesit të gjykimit.
Në letrën e tij 77 vjecari cilëson se merr vetëm 170 mijë lekë të vjetra pension, që nuk i dalin të paguajë qira e të rrojë.
Sa më poshtë, shënimi i plotë i Anila Hoxhës.
Një letër më priste sot në zyrë Lutje për ndihmë. I ishte derguar gjykatës dhe bashkangjitur edhe kartela mjekësore e paditësit, i cili është një pensionist i moshës 77 vjeç. Ai pret drejtësi, por gjykimet ecin ngadalë.
Letra e qytetarit H.L
E nderuar.
Pranë gjykatës eshte duke u gjykuar çështja ku unë, kerkuesi H.L jam paditës, dhe jam i moshës 77 vjeç. Jam pensionist, i papunë dhe me probleme të rënda shendetësore. Unë kam bërë disa kërkesa dhe ju kam vënë në dispozicion disa kartela shëndetesore, për ndërhyrjen që kam bërë
Jam në pamundsi të bredh lart e poshtë. Më është prishur shtëpia si rezultat i projekteve pa asnjë analizë nga pala e paditur. Projekte që ndryshojne dita-ditës dhe nuk na garantojnë asnjë siguri per jetën
Ju lutem vendosuni në dispozicion të një të moshuari 77 vjeç. Ku do të jetoj unë, kur gjithë investimi ësht vetm ajo shtëpi dhe kur ajo shtëpi prishet, dhe kur pëson ishemi cerebrale apo ndërhyrje në zemër?
Të nderuar gjyqtarë, unë kam filluar të mendoj se nuk vlen ndershmëria dhe vlerat e respektit per drejtësinë, pasi po shoh përditë kriminelë që po përfundojnë proceset gjyqësore brenda muajit. Ndërkohe ne që jemi në këtë moshë, jemi ne pritje kur t’i dojë qejfi drejtësisë
Unë jam pa shtëpi dhe paguaj qera. Une jam i sëmure dhe jam 77 vje. Unë nuk kam më mundësi të punoj dhe as të paguaj qera për shtëpinë. Kam para vetëm për të paguar ilaçet e pensionit që ështeë 17 mijë lekë në muaj. Unë e kam respektuar dhe e respektoj shtetin dhe të drejtën, por dhe shteti ka detyrimin ligjor të respektojë shtetasit e tij. Ju lutem merreni në konsideratë këtë kërkesën time të përsëritur. Nuk po kërkoj diçka anormale, përveçse të përfundoj një të drejtë timen dhe të jetoj i qetë ato pak dite jetë që më kanë mbetur.
Më këtë kërkesë ju lutem për caktimin e seancës gjyqësore sa me shpejt dhe në mënyrë të përshpejtuar.
Për shkak të rrethanave të krijuara nga ky proces gjyqësor, si dhe nga urdhër ekzekutimi i datës 14 janar 2021 për prishjen e shtëpisë, kam pësuar përkeqësim shumë të rëndë të gjendjes shëndetësore. Gjendje kjo e krijuar si pasojë e këtij kalvari të gjatë procesesh gjyqësore dhe të prishjes së shtëpisë. Nga data e prishjes së shtëpisë, kam krijuar një borxh shumë të madh në pritje që të dalë një datë gjyqi.
Ju kërkoj përshpejtim të gjykimit.
Duke ju falënderuar, mbetem në pritje. H.L
