Ka mbërritur në 151 nummri i të vdekurëve në turmën e grumbulluar në Seul për të festuar Hallouinin pranë Hotelit Hamilton.
Nga sa raportojnë mediat e huaja, me qindra prindër të shqetësuar kanë rendur nëpër spitale për të të gjetur familjarët e tyre, ndërkaq njoftohet se numri i të vdekurëve ka shkuar të paktën në 151 persona, më së shumti adoleshentë tek të njëzetat e tyre, që kanë mbetur të ngecur apo të shtypur, pasi turma e madhe që qe mbledhur për të festuar Hallouinin, ishte futur një në rrugicë tejet të ngushtë në një lagje të jetës së natës në Seul.
Besohej se me dhjetëra e mijëra njerëz do të mblidheshin normalisht në Itawon për festimet e të shtunës mbrëma, por dëshmitarë në vendngjarje dëshmojnë se rrugët ishin kaq të stërmbushura me njerëz, saqë mjetet lëviznin shumë ngadalë, duke e bërë të vështirë kështu shkuarjen e menjëherëshme të ndihmës së shpejtë, ngase situata u shndërrua brenda pak minutash në një prej fatkeqësive më të mëdha të vendit..
Qeveria vendase pohon se më shumë se 2600 persona kanë telefonuar apo shkuar nëpër zyrat e policisë që prej të shtunës mbrëma, duke kërkuar të afërmit e tyre, me të cilët kanë humbur kontaktet.
