Kemi pasur një kthim në të drejtë të Saturnit. Kur flasim për Saturnin, flasim për seriozitet në trajtimin e çështjeve tona dhe për ta marrë seriozisht atë që përfaqëson Saturni tek Peshqit, që është gjendja emocionale, emocionet, empatia, ndjeshmëritë, mënyra si i filtrojmë gjërat vetes, si i shohim, pra ka të bëjë me perceptimin me emocionin, nuk është e prekshme dhe e materializuar, megjithatë duhet të punojmë me veten tonë.
Një nga problemet e këtij Saturni, që do të vazhdojë të jetë tek Peshqit deri më 2025-n, është hiperndjeshmëria, apo hiperdhimshuritë, që shpesh do të shoqërohen dhe me një tendencë depresioni, i cili shpesh ka qenë dhe është problematika e kohës dhe unë e kam përmendur herë pas here, se sa herë kthehet Saturni në të drejtë tek Peshqit, kemi filluar që në 24 të marsit të 2023 -it me këtë Satrun, do të vazhdojmë deri në majin e 2025-s, që nxjerr brishtësitë e njerëzve në anën emocionale. Dhe është shumë i ndjeshëm kur është në të drejtë.
Në fakt dhe vëmendja më e madhe duhet kushtuar tek brezat e lindur për pjesën e parë të ’94-s, ’95-ës dhe gjysma e ’96-s. Pra, ai brez do ta ketë më të ndjeshëm luhatjen e humorit dhe do ishte mirë të vendosnin në të përditshmen e tyre çfarë i bën ata të ndihen mirë dhe zakonisht ajo moshë ka të bëjë me aktivitetin, palestrat, kërcimin, pra të gjejnë një mënyrë se si të punojnë me veten dhe të mos i lejojnë emocionet gri t’u ngjyrosin të përditshmen, dhe më tepër, ata që kanë problematika dhe që i ndjejnë, do të duhet realisht të kërkojnë ndihmën e psikologut. Të mos hezitojnë të kërkojnë ndihmë, të mos hezitojnë t’i ndajnë shqetësimet e tyre!
