Edhe pse presidentja e Komisionit Europian Ursula Von Der Leyen, deklaroi përpara nisjes së Samitit të Sllovenisë se “Ne i duam në Bashkimin Europian, jemi një familje, ndajmë të njëjtën histori, të njëjtat vlera, dhe jam e bindur që edhe do të ndajmë të njëjtin fat”, duket se edhe kësaj radhe nuk do të ketë lajme të mira mbi anëtarësimin e vendeve të Ballkanit Perëndimor në BE.
The Associated Press, ka publikuar në një artikull të vetin pjesë nga drafti që pritet të lexohet pas mbarimit të takimit, ku sipas asaj që citon, thuhet se liderat e Bashkimit Evropian, do të riafirmojnë “impenjimin për procesin e zgjerimit”, në përgjithësi, por përparimet “do të bazohen në reforma të besueshme nga ana e partnerëve, mbi kushtëzimin e barabartë dhe rigoroz, e po ashtu mbi parimin e meritave vetiake”. Boca e konsultuar prej The Associated Press, nënvizon edhe “rëndësinë që BE ta ruajë e ta thellojë zhvillimin e vet, duke garantuar aftësinë e saj, për të integruar anëtarë të rinj”
Kujtojmë që vendet e Ballkanit Perëndimor që presin përgjigje sot nga ky samit mbi anëtarësimin në BE janë gjashtë, Mali i Zi dhe Serbia në fazë më të përparuar, Shqipëria dhe Maqedonia e Veriut në pritje të hapjes zyrtare të negociatave, Kosova dhe Bosnja kandidate potencialë për të qenë pjesë e BE.
