Lufta në Ukrainë ka arritur ditën e 1090. Samiti i vogël mes liderëve evropianë në Paris, i i cili zgjati thuajse tre orë, diskutoi kryesisht për mbrojten, por duke mbajtur qëndrime të ndryshme sa i takon dërgimit të trupave në Ukrainë.
Sipas shtypit, krerët e vendeve europiane mbështetën mendimin se ende nuk ka kushte për të mbështetur me trupa luftën në ukrainë, megjithatë mbetet nevoja për të reflektuar mbi rolin e mbrojtjes evropiane.
E teksa Zelensky deklaron se “Shtetet e Bashkuara duan të kënaqin Putinin me këto negociata”, Lavrovi shprehet se nuk ka nevojë të përfshihet në to Kontinenti Plak, pra Evropa.
Negociatat për armëpushim mes Kievit dhe Rusisë, janë në hapat e tyre të parë. I dërguari i Shtëpisë së Bardhë për Lindjen e Mesme, Steve Ëitkoff, konfirmon largimin e tij për në Arabinë Saudite në funksion të bisedimeve me liderët rusë për paqen në Ukrainë. Dhe, teksa burimet e shtypit deklarojnë po ashtu se SHBA-të duan ta arrijnë armëpushimin deri në Pashkë.
Trump nga ana e tij deklaron se Putin dëshiron t’i japë fund luftës së shpejti, duke pohuar po ashtu se të njëjtën gjë dëshiron edhe Zelenski e së shpejti do të përfshihet në negociata.
