Modelja amerikane Emily Ratajkowski ka postuar me rastin e 30 vjetorit të saj, një foto me të birin foshnje, të cilin e mban në krah. “Ditëlindje me partnerin e preferuar”, shkruan ajo bri fotos, por në vend që të marrë urime, merr një sërë kritikash për mënyrën se si po e mban foshnjën.
Na fute ankthin me mënyrën si po e mban, i shkruanin shumica. Do ta thyesh në mes.
Mes atyre që kanë reaguar, ka qenë edhe gazetari amerikan Piers Morgan, i cili në tuiterin e vet nuk ia kursen aspak një koment Ratajkowskit. Nuk është ajo mënyra si mbahet një fëmijë Emili, shkruan ai. Ndjekësit tuaj të shumtë nuk duhen inkurajuar ta mbajnë njësoj fëmijën. Nëse doni, jam i lumtur t’ju jap disa këshilla.
Nga fotot modelja duket se ka qenë me pushime, dhe reagimi jo pozitiv i ndjekësve e ka detyruar me gjasa të bllokonte komentet, në mënyrë që të mos merrte më kritika.
