Kandidatët e Rithemelimit të Partisë Demokratike, dalë nga preliminaret diten e parjdeshme, do të garojnë në një koalicion me LSI-në, në garën për krerët e 6 bashkive në vend. Kështu ka bërë me dije ditën e djeshme, gjatë një konference për prezantimin e tyre në Rogner, kreu historik i PD-së, Sali Berisha, aktualisht në krye të kësaj lëvizjeje.
I pyetur nga gazetari Osman Stafa i News24, se a do të futeshin në garën për kryetarë bashkie si të pavarur këta 6 kandidatë dalë nga preliminaret, apo do qenë pjesë ndonjë koalicioni, Berisha u përgjigj se po, ata do të jenë pjesë e një koalicioni ku do të qe edhe LSI-a, e ku më tej do të bëheshin pjesë edhe parti të reja.
Gazetari: A do të hyni në zgjedhjet e 6 marësit, si të pavarur, apo si koalicion?
Berisha: Si koalicion
Gazetari: A është Lëvizja Socialiste për Integrim pjesë e këtij koalicioni?
Berisha: Po, Lëvizja Socialiste për Integrim është pjesë e këtij koalicioni dhe po shikohen modalitetet që përcakton ligji. Se ligji ka disa modalitete absurde, por ne jemi të detyruar të përcaktojmë modalitetet që përcakton ligji.
Gazetari: përvec LSI, cilat janë partitë e tjera kandidate që do të jenë pjesë e këtij koalicioni?
Berisha: Po negociohen. Ka një përcaktueshmëri ligjore sa duhet të jenë dhe nuk mund të jenë më shumë, se atë rregull përcakton, por po merret nje grup me këtë cëshjte dhe është në finalizim.
Koalicioni sipas Berishës do të quhet Koalicioni i Lirisë, dhe do të ketë logo e vula të vetat.
