Ministri i Brendshëm Blendi Çuçi është takuar sot me drejtuesit e rinj të Policisë së Shtetit, për të folur mbi rritjen e parametrave të sigurisë në vend.
Kujtojmë se jo më larg se 10 ditë më parë ai njoftoi edhe reformimin e Policinë e Shtetit, gjë që u pasua edhe me emërimin e krerëve të rinj të policisë nëpër Drejtoritë Vendore nëpër qarqe.
Reforma në Polici, Çuçi (më 28 qershor)/ Brenda kësaj jave, do të nisë një ndryshim i thellë i me titullarët e policisë së shtetit në nivel qarku, që do të shtrihet hap pas hapi në nivel kapilar në cdo komisariat, të territorit të republikës së Shqipërisë. Po ashtu do të krijojmë një kuadër rregullator të ri, për të futur praktika të hetimit të të ardhurave, edhe të drejtuesëve të makinave të shtrenjta, që kapen në mënyrë të përsëtur në kundravajtje ligjore në qarkullim. Nga ana tjetër, do të cohet më tej dhe do të përfundojë pajisja e efektivëve të qarkullimit rrugor, me kamera trupi.
Komisariati dixhital po përmisërohet nga pikëpamja teknollogjike dhe operative, dhe më herët do të jetë në dispozicion të cdo qytetari, për tú bërë krah në policinë e shtetit, për idendifikimin e shkelësve të ligjit. Mjaft shpejt, të gjithë do ta prekin ndryshimin e ndjeshëm, për të mirë të Policisë së Shtetit.
Lëvizhet e krerëve të rinj të policisë në qarqe, në kuadër të reformës në Policinë e Shtetit:
Skënder Hita , nga zëvendësdrejtori i Drejtorisë Vendore të Policisë Gjirokastër, transferohet dhe emërohet drejtor i Drejtorisë Vendore të Policisë Shkodër.
Hamdi Fjore, deri tani zv.dr i DVP Korçë transferohet dhe emërohet drejtor i Drejtorisë Vendore të Policisë Kukës.
Lorenc Shehu, nga drejtori i Drejtorisë Vendore të Policisë Durrës, transferohet dhe emërohet drejtor i Drejtorisë Vendore të Policisë Lezhë.
Oltion Bistri, nga shefi i Komisariatit të Policisë Nr. 2 në Tiranë, transferohet dhe emërohet drejtor i Drejtorisë Vendore të Policisë Durrës.
Dhimitraq Ziu, deri tani zv.drejtor për sigurinë në DVP Tiranë , transferohet dhe emërohet drejtor i Policisë Rrugore.
Luigj Vathi, drejtor i Drejtorisë Vendore për Kufirin dhe Migracionin Vlorë deri tani transferohet dhe emërohet zv.drejtorpër sigurinë në DVP Tiranë.
Neritan Nallbati, deri tani drejtor i DVP Berat transferohet dhe emërohet drejtor i Departamentit për Sigurinë në Drejtorinë e Përgjithshme të Policisë së Shtetit.
Bledar Çeliku, nga drejtori i Drejtorisë Vendore të Policisëm Fier, transferohet dhe emërohet drejtor i Drejtorisë Vendore të Policisë Vlorë.
Ferdinant Mara, nga drejtor i Drejtorisë Vendore të Policisë Korçë, transferohet dhe emërohet drejtor i Drejtorisë Vendore të Policisë Fier.
Edmond Tarkaj, deri tani drejtor i Policisë Rrugore, transferohet dhe emërohet drejtor i Drejtorisë Vendore të Policisë Berat.
Gjovalin Loka, ish-drejtori i Departamentit për Sigurinë, emërohet drejtor i Drejtorisë Vendore të Policisë Elbasan.
Ardian Çipa, deri tani në Akademinë e Sigurisë, transferohet dhe emërohet drejtor i Drejtorisë Vendore të Policisë Korçë.
