Në emisionin “5 pyetje nga Babaramo”, Rama sqaroi se sistemi i patronazhistëve përdorur prej PS-së është sistem organizimi, që përdoret nga të gjitha partitë e mëdha në botë. Patronazhistët, tha ai, janë krejtësisht vullnetarë, lista jonë ka që në 2019-n dhe duhet të presim të marrim vesh ç’është kjo listë e shpërndarë nëpër media, se nuk ka lidhje me listat tona.
Patronazhistët janë garancia e suksesit tonë, u shpreh Rama. Janë totalisht vullnetarë. Janë figurë kyçe e partive të organizuara, është një figurë e cila, besoj unë, nuk gaboj, ka marrë një rol të posaçëm, një rol tërheqës dhe për shumë parti të tjera, duke nisur nga partitë e mëdha amerikane, republikane dhe demokrate. Patronazhistët nuk kanë lidhje me duhet të na japësh votën që të të legalizojmë shtëpinë. Detyra e tyre është të marrin sa më shumë informacion për votuesin. Këtë e bëjnë patronazhuesit e gjithë botës. Në francë për shembull fushata e Fransua Holland pati një vlerë të shtuar pikërisht se u mbështet tek një rrjet i jashtëzakonshëm patronazhistësh. Dhe patronazhistët nuk vënë kushte. Në komunikimin me qytetarët derë më derë marrin perceptime. Pra nëse konstatojnë një një qytetar ka një shqetësim ka një hall, thotë jam i dyzuar sepse, psh rasti konkret kam kaq kohë që pres legalizimin etj etj, ata patjetër që e shënojnë dhe të gjitha këto shqetësime dhe halle u përcillen deputetëtve të zonave, deputetët e zonave, ua përcjellin institucioneve. Patronazhistët tanë nuk janë tanimë patronazhistë që anagazhohen vetëm në periudhën zgjedhore. Pateronazhistët tanë janë vullnetarë të partisë socialiste që janë të angazhuar gjatë gjithë viteve, gjatë gjtihë muajve.
Edhe unë kam patronazhist, vazhdoi Rama. Nuk e njoh. Në ç’kuptim kam patronazhist. Ndarja e gjithë qendrave të votimit dhe e gjithë listave të votimit, bëhet në mënyrë automatike, dhe pastaj secilit i caktojnë një numër të caktuar votuesish, dhe tek ai numër i caktuar votuesish është edhe Gramoza Ruçi, edhe unë etj, etj. Kjo nuk ka të bëjë me mua apo me Gramoz Ruçin apo me njerëzit e njohur, por me përllogaritjen e mbështetësve, atë të zgjedhësve të sigurt, të zgjedhësve të lëkundur dhe zgjedhësve që preferojnë një opsion tjetër. Marrja shënim e shqetësimit të qytetarit, nuk është presion. Është mbështetje e qytetarit, në rast se çështja mund të zgjidhjet.
Është bërë një mish-mash i madh me këto që dalin ne media, shumë prej atyre që ne shohim nuk na rezultojnë të jenë nga sistemi ynë. Duhet parë seç informacion ka rrjedhur dhe a ka rrjedhur nga ne. Sipas patronazhistëve të tjerë, vajza jonë Rea është e lëkundur…
