Përgjatë konferencës për shtyp ditën e sotme, përpara selisë së PS_së, kreu i qeverisë Rama ka deklaruar edhe një sërë ndryshimesh që pritet të ketë Shqipëria në sistemin e pagave e të profesioneve.
Në fjalën e tij kreu i qeverisë deklaroi se tashmë pagat e mjekëve në Shqipëri do të shkojnë në një nivel me mjekët e rajonit, e po ashtu se shihen të rregullohen me ligj edhe ato të atyre që merren me botën dixhitale e shkruesëve ligjorë.
Jemi duke ecur mirë, kemi bërë një hap të rëndësishëm me rritjen e pagës për mjekët specialistë që më në fund duke filluar nga muaji prill do të shpërblehen sipas pagave të larta të rajonit, deklaroi Rama në fjalën e tij. Jemi faktikisht barazuar me serbinë në pagë, jemi mbi kosovën dhe në një mesatare të lartë, të gjitha vendet tani janë pak a shumë rreth të njëjtës pagë.
Po bëjmë një ligj të ri për një tërësi profesionesh dhe detyrash në shërbimin publik që ka të bëjë me aftësitë e vecanta, duke filluar nga ato dixhitale, në një kohë kur na duhet të forcojmë mbrojtjen kibernetike, në një kohë kur duhet t’i japim një shtysë formimit dixhital, kemi nevojë të ofrojmë paga që të jenë paga konkuruese në treg, ashtu sikundër edhe për të tjera profesione. Procesi i integrimit kërkon një sërë shkruesish të drafteve ligjore, edhe për këtë keni nevojë të rrisim pagat e të kemi më të mirët në shërbim të shtetit, edhe të tjerë, agronom, etj, që do të bëjnë të ketë më tepër interes nga profesionistët.
Mes të tjerave Rama tha se fokusi është edhe tek ligji i ri mbi tatimet për të ardhurat, që kalon së shpejti në parlament, ku hiqet taksimi mbi pagat deri në 500 mijë lekë të reja.
Nga ana tjetër në ligjin mbi tatimet për të ardhurat që kalon së shpejti në parlament, heqim plotësisht taksimin mbi pagën deri në 500 lekë të reja, me rritjen e pagës 400 mijë lekë bëjmë një axhustim dhe kemi një rritje të pagave brenda për brenda piramidës, kemi taksën e jashtëzakonshme mbi prodhuesit e mëdhenj të energjisë, që pastaj sic e kemi thënë do t’ua dedikojmë me prioritet pensionistëve, dhe të gjitha këto shoqëruar me investimet e huaja dhe private direkte, na bëjnë ta shikojmë me optimizën të ardhmen, ndërkohë që do të angazhohemi edhe në një debat publik mbi nevojën e rritjes së pagave dhe deklarimeve.
