I pyetur në emisionin “Përballje” mbi shitblerjen e votës, Rama u shpreh se shit-blerja e votës nga zgjedhja në zgjedhje qe zvogëluar.
Sa më shumë zvogëlohet LSI aq më shumë zvogëlohet shitblerja e votës, u shpreh ai. Partitë e mëdha, e në këtë rast edhe PD-ja, nuk e bazojnë asnjë herë tek shit-blerja rezultatin e tyre, dhe fatmirësisht në këtë periudhë ka edhe një inflacion sondazhesh të mëdha.
Në sondazhe madje nuk del asgjë tjetër, veçse sentimentit që ka populli atë moment. Pra ato janë pak a shumë reultatet e partive të mëdha, ndërkohë që pikëpyetja e madhe është LSI-ja, e cila faktikisht hyn në atë fashë të sondazheve që quhet “zhurmë statistikore” dhe që të gjithë sondazhistët, ne bëjmë sondazhet tona, dhe sondazhistët tanë bëjnë të njëjtën gjë, bëjnë peshime, në bazë të zgjedhjeve të kaluara dhe duke parë që LSI, nga një sondazh del diku tek 7-8%, pastaj kërcen tek 13-14%, çdo sondazhist ndihet i sfiduar të mos dalë bllof, se vërtet në terren shifra thonë që ata janë 0,5 1,2-1.5.
Por çfarë vallë do të bëjnë me atë mekanizmin e tyre të mirënjohur dhe famëkeq?
Kjo është pyetja, dhe prandaj nëpër sondazhe ata dalin me nga 5 e nga 6. Janë ato peshimet që sondazhistët i bëjnë që të mos dalin bllof.
