Ka mbledhur skuadrën fituese dalë nga zgjedhjet e 25 prillit, kreu i socialistëve Edi Rama, i cili në fjalën e tij adresuar atyre, ka parashtruar edhe disa piketa mbi qeverisjen socialiste, që mbërrijnë në fakt deri në vitin 2030.
Rama e cilësoi fitoren e mandatit të tretë si tejet domethënëve, pas një mandati të dytë shumë të vështirë pas tërmetit dhe pandemisë, të cilat e bënë atë, sipas Ramës, edhe një një nga mandatet më të jashtëzakonshme të pluralizmit në Shqipëri.
Në fjalën e tij Rama u drejtoi të pranishmëve dy mesazhe, ku i pari lidhjej me bërjen gati për fitoren e zgjedhjeve vendore pas dy viteve dhe më pas, për ato të përgjithshmet, më 2025-n.
Mesazhi im i parë, tha Rama është të jeni gati, gati qysh tani, për të nisur përgatitjen e fitores tjetër, edhe tjetrës më tej, në zgjedhjet e ardhme vendore dhe në ato të përgjthshme e vitit 2025. Gati për të mbajtur me dinjitet të lartë përgjegjësinë e shumicës së re qeverisëse në Kuvend dhe në cdo nivel të Ekzekutivit, gati për të analizuar në çdo aspekt mandatin e dytë dhe ndjeshjen e sapopërfunduar, që të kuptojmë sa më qartë se ku dhe si duhet të ndërhyjmë, për përmirësime të mëtejshme të makinerisë sonë elektorale, për të reformuar më tej qeverisjen, strukturën e PS, e padyshim vetë Shqipërinë
Mesazhi i dytë i Ramës lidhej me braktisjen e luftës së vjetër politike, për të dëshmuar një tjetër mënyrë të të bërit politikë, duke i kanalizuar energjitë tek kryerja e punëve dhe jo tek betejat e kota me opozitën dhe Partinë Demokratike.
Jini gati për ta braktisull llogoren e luftës së vjetër politike dhe për ta përçuar këtë frymë e qasje të re në gjithë organizmin e Partisë Soialiste, tha Rama. Mandati i tretë nuk duhet duhet t’u ngjajë aspak dy të parëve, në aspektin e marrëdhënieve me opozitën, me PD-në. Sado të na sulmojnë, shajnë, provokojnë, luftojnë, apo sado të na i kontestojnë legjitimitetin e padiskutueshëm të fitores sonë, nga mosgëlltitja kronike e humbjes së tyre të qartë dhe të thellë, Shqipëria na ka dhënë besimin e madh dhe mbështetjen e plotë, për të udhëhequr, dhe ne do të udhëheqim, pa humbur kohë dhe energji me politikën bajate të akuzave. Kemi plan shumë ambicioz për Shqipërinë dhe forcat tona duhet të jenë të tëra në shërbim të vizionit “Shqipëria 2030”. Ne nuk kemi marrë një mandat për të luftuar me Partinë Demokratike, po për të çuar deri në fund punët e mëdha që kemi nisur, e për të nisur punë të mëdha që duhen çuar deri në fund. Dhe natyrisht nuk do presim Partinë demokratike deri kur të vendosë lidhjen me realitetin, por të jemi gati të bashkëpunojmë me demokratët, kurdoqoftë dhe sidoqoftë kjo të jetë e mundur.
Mes të tjerave Rama cakoi 12 qershorin si datën kur do thirrej edhe Kongresi i Jashtëzakonshëm i socialistëve, ku do të paraqitej edhe plani i tyre për Shqipërinë 2030, e po ashtu edhe angazhimet kryesore për planin e ri qeverisës
Në 12 qershor Partia Socialiste mbush 30 vjeç, tha Rama, dhe 12 qershori është dita e duhur për të thirrur kongresin e jashtëzakonshëm, ku jo vetëm të kremtojmë si duhet këtë përvjetor, por edhe të paraqesim planin tonë “Shqipëria 2030’, si dhe angazhimet tona kryesore për planin e ri qeverisës. Qeveria e re do të krijohet fill pas sezonit të verës, por puna për kalendarin e reformave legjislative dhe për planet e detajuara të ekzekutivit, do të bëhet tani e deri në formimin e qeverisë, përfundoi ai.
