Kreu i qeverisë Rama ka deklaruar se sipas raportit të shtatorit të Bankës Botërore mbi Sigurinë Ushqimore, Shqipëria rezulton me nivelin më të ulët të inflacionit mbi produket ushqimore.
Sipas kryeministrit të vendit, kjo vjen për hir të mburojës financiare që ka vendosur qeveria Rama mbi çmimin e energjisë, i cili mbahet i parritur për hir të kompesimit masiv nga buxheti i shtetit.
Shënimi i plotë i Ramës
Sipas raportit të shtatorit të Bankës Botërore @worldbank për Sigurinë Ushqimore, në analizën e efekteve të luftës mbi çmimet në produktet ushqimore dhe gjendjen e prodhimit/furnizimit, Shqipëria rezulton me nivelin e inflacionit më të ulët mbi çmimet e produkteve ushqimore, krahasuar me vendet e rajonit. Rritja e çmimeve në Shqipëri është thuajse sa gjysma e rritjes së raportuar në pothuaj të gjithë vendet e rajonit. Arsyeja themelore e frenimit të galopit të inflacionit në vendin tonë është mburoja financiare e qeverisë mbi çmimin e energjisë, i cili mbahet i paprekur nga rritja si rezultat i kompensimit masiv nga buxheti i shteti.
