Kreu i qeverisë Rama ka hedhur poshtë lajmin e shpërndarë prej TCH se hakerat kanë kërkuar 30 milionë euro e se mjaft të dhëna zyrtare janë fshirë nga sistemi për hir të këtij sulmi. Në deklaratat e tij në tuiter, Rama pohon po ashtu edhe se pas këtij sulmi qëndron një tjetër shtet, pa ia përmendur emrin, dhe jo një bandë dosido dixhitale që merret me gjobëvënie
“Gjyqet me median për shpifje, përfshirë edhe shpifjet që përhapin panik, nuk janë në praktikën e qeverisë sonë!”, shkruan Rama. “Prandaj i bëj thirrje publike TCH të ndalë menjëherë valën e shpifjeve dhe përhapjen e panikut lidhur me pasojat e agresionit kibernetik mbi Shqipërinë! Lajmet për një gjobë 30 milionë euro nga hakerat apo për shkatërrimin e të dhënave janë krejt të rreme! Qeveria ka informuar aq sa mund të informojë, në ndërkohë që lufta nuk ka mbaruar dhe pas hakerave qëndron një shtet tjetër, jo një bandë dosido digjitale që merret me gjoba. AKSHI dhe një skuadër e superspecializuar ekspertësh të huaj,po luftojnë natë e ditë për rimëkëmbjen e plotë në kohë rekord të sistemeve pas zmbrapsjes së sulmit.Eshtë e turpshme që të gënjehet publiku në këtë farë feje,cilatdo qofshin motivet e kësaj vale shpifjesh haluçinante!
Kujtojmë që sot televizioni Top CHannel bëri publik një lajm ku sillte si dëshmi deklaratën e hakerave që kishin sulmuar e-albanian, e po ashtu edhe pandehmën se ata ishin iranianë.
