Kreu i qeverisë Rama, në takimin me importues, eksportues dhe përfaqësues të zinxhirit të furnizimit me mallrat e shportës, ka ftuar familjarët nëpër ballate dhe biznesin e madh të investojnë në panelet diellore, për të qenë të pavarur nga rrjeti. Rama tha se ky investim mund të ishte një investim i kushtueshëm në afat shkurtër, por me benefite të mëdha në afat gjatë.
Problemi bazë është mundësia për ta pasur energjinë ditën dhe natën, tha Rama por në kushtet e një biznesi që aktivitetin e tij e ka gjatë ditës, kjo është më e arsyeshme. Kështu që, ky është njëri aspekt dhe kjo nuk ka lidhje me luftën, nuk ka lidhje me krizën, ka lidhje me sot e me gjithmonë, dhe çdo biznes i madh, prodhues apo përpunues, që ka një konsum energjie më të lartë se sa konsumi i zakonshëm për shkak të veprimtarisë së vet, që do të investojë për të prodhuar vetë energji me panele diellore, do të bëjë një investim jashtëzakonisht të arsyeshëm, më përfitim të madh në kohë, dhe nuk do të ketë më dhimbje koke nga kjo anë. Është një investim jo i vogël në fillim, por në afatmesëm e afatgjatë, është fitues. Për këtë unë do të doja që ju të ishit në pararojë, dhe ne do bëjmë çmosë të gjejmë mbështetje, por pa u përfshirë në rrjet. Pra rrjete autonome. Se përfshirjra në rrjet është problematike.
Mes të tjerave Rama tha se do të vazhdonin të mbështesnin familjarët dhe biznesin e vogël duke mos u ngritur cmimet apo vënë taksa e se po ashtu do të incentivonin edhe pallatet që do të dëshironin të vinin panele diellore.
Rama i cilësoi rrjetet autonome si mënyra më e mirë për të mos pasur probleme me energjinë, ndërkohë që nuk përjashtoi mundësinë e ndërthurjes më vonë të rrjeteve të pavarura me rrjetin shtetëror.
Do të incentivojmë pallatet që duan të vënë panele diellore për energji, tha Rama. Ne jemi në pikën më të lartë të tavanit të pikës për të shkëmbyer. Aktualisht jemi në fazë studimi për të parë një mundësi më të madhe shkëmbimi, por ama sot dhe ky investim për vetëprodhim të pavarur, është në çdo kohë e rast i mundur që të lidhet mer rrjetin, ama për momentin të krijon një pavarësi të plotë. Domosdoshmëria është për të garantuar furnizimin me energji, dhe ti shkojmë deri në fund premtimit tonë për të mos e rritur energjinë. Urojmë ta mbajmë si premtim, por po nuk e mbajtëm, do vijmë e do themi nuk e mbajtëm për këto arsye, sqaroi mes të tjerave kreu i qeverisë.
