Presidenti rus Vladimir Putin ka nënshkruar ditën e shtunë një ligj që paraqet dënime afatgjata me për ata që dezertojnë apo dorëzohen vullnetarisht gjatë kësaj periudhe lufte.
Lajmin e bëjnë me dije mediat ruse, të cilat theksojnë se kjo masë vjen menjëherë pasi Putini shpalli mobilizimin ushtarak të pjesshëm në vend, e po ashtu edhe pas protestave të shumta në të gjithë vendin, pas këtij vendimi.
Ndryshimet ligjore bërë kësaj here, përfshijnë për herë të parë në Kodin Penal rus, konceptet e “mobilizimit, ligjit ushtarak dhe kohës së luftës”.
Sipas këtij ligji, dorëzimi “vullnetar” dënohet deri në 15 vjet burg, por ai që e shkel për herë të parë atë mund të përjashtohet nga përgjegjësia penale, nëse është kthyer në njësinë e tij ose në vendin e shërbimit, dhe nuk ka kryer krime të tjera gjatë kohës që është në robëri.
Dezertimi në periudhë mobilizimi ose lufte, do të dënohet me deri në 10 vite burg, kurse ata që refuzojnë me ndërgjegje, do të dënohen deri në tre vite burg.
Ligji parashikon gjithashtu një dënim deri në 15 vjetësh burg për grabitje gjatë kohës së luftës dhe mobilizimit.
Projektligji, i cili u prezantua nga të gjitha partitë e përfaqësuara në Parlament në korrik, u miratua me shpejtësi nga të dyja dhomat e parlamentit rus këtë javë.
