Kreu i qeverisë kanadeze Justin Trudeau ka deklaruar përmes tuiterit, se aktualisht ai dhe dy nga fëmijët e tij, janë të prekur me covid-19, gjë që i ka detyruar edhe të largohen nga qytetit e të rrinë të izoluar.
Infektimi dhe izolimi i Truedeau-t vjen më mes të protestës së kamionistëve, e cila nisi tri ditë më parë, për hir të një doze të tretë të detyruar anti-covid, për të tërë kamionistët që kalonin kufirin.
Në një konferencë bërë mbrëmjen e djeshme, Trudeau e cilësoi këtë protestë si një “fyerje ndaj të vërtetës”, duke dënuar njëkohësisht edhe simbolet naziste të përdorura prej protestuesëve, të cilët i krahasonin masat shëndetësore ndaj njerëzve, me ato të ndërmarra nga Hitleri ndaj hebrenjëve, e po ashtu edhe dhunën e ushtruar prej protestuesëve, ndaj monumenteve historike të qendrës.
Teksa policia e Otavës i kërkoi publikut të qëndronte larg qendrës së qytetit ku dhe janë mbledhur protestuesit, Trudeau ka refuzuar t’i takojë ata, duke këmbëngulur, se detyra e tij është të mbrojë kanadezët.
Ndërkaq, nënkryetari i Partisë Konservatore në vend Candice Bergen, i ka bërë thirrje liberalit Trudeau, se kamionistët duhen dëgjuar, e se nuk janë një numër i vogël që e mendojnë punën e vaksinimi si ata.
Aktualisht, Kanadaja është një prej vendeve më numrin më të lartë të të vaksinuarëve në botë, ku, sipas Johns Hopkins University, 4 nga 5 kanadezë janë tërësisht të vaksinuar.
