Përditësimi më i fundit nga KQZ-ja, rrëfen se deri më tani, numrin më të madh të votave e ka Partia Socialiste me 48.86% (ose 347.561 vota), pasuar nga Partia Demokratike & Aleanca për Ndryshim, me 39,22% (278.965 vota), për të vijuar më pas me LSI me 7.11% (50.546 vota), dhe në vend të katërt, Partia Social-Demokrate me 2.1% (14.962 vota). Deri më tani sipas KQZ-së janë numëruar votat në 2604 qendra votimi nga 5199 në total dhe të pavlefshme në kutitë e numëruara, kanë rezultuar deri më tani 40.416 vota.
