Teksa procesi i numërimit të votave ecën me hap të ngadaltë e nga rezultatet paraprake për ditën e sotme ka qenë Partia Socialise ajo që ka kryesuar, kreu i PD-së dhe i koalicionit Aleanca për ndryshim, e ka shpjeguar epërsinë e PS_së deri më tani, me faktin që të parat që numërohen janë qendrat ku partia në pushtet ka bastionet e veta. Basha u shpreh I bindur se PD-ja dhe koalicioni I Aleancës për ndryshim kishin fituar thellë, një fitore e cila sipas tij do të shfaqej në vijim.
Siç e dimë të gjithë, tha Basha, qendrat e para që numërohen janë qendrat të cilat janë të përcaktuara nga partia në pushtet, dhe favorizojnë historikisht partinë në pushtet. Thënë kjo, Partia Socialiste ka humbur thellë numrin e votave të numëruara në Tiranë, e po ashtu edhe në zonat si Këlcyra, Memaliaj, kudo ku janë hapur këto kuti, të cilat faktikisht ishin shënuar.
Kemi të bëjmë me një humbje të thellë të Partisë Socialiste dhe një fitore, dhe një rritje, të themi, të numrit të votave, për Partinë Demokratike, për Koalicionin për Ndryshim.
