Ka rënë ditën e sotme në Oqeanin Indian, raketa kineze kaq shumë e përfolur këtyre ditëve, Long March 5B.
Sipas informacioneve të mediave shtetërore kineze, të cilat citojnë China Manned Space Engineering Office, mbetjet e raketës hapësionore kineze, kanë rënë në oqeanin Indian, në perëndim të arkipelagut të Maldiveve.
Sipas tyre, pjesët e raketës kanë hyrë në atmosferë më 10.24 me orën e Pekinit, dhe janë ulur në një pozicion me koordinata gjatësie 72,47 gradë në lindje dhe gjerësi 2,65 gradë në veri, pa shkaktuar dëme as një njerëz e as në ambient, pasi një pjesë e mirë e tyre qenë shkatërruar sapo kishin prekur atmosferën.
Rënien e raketës kineze në të njëjtin vend e konfirmon edhe komanda hapësinore e Shteteve të Bashkuara të Amerikës, por ndryshe nga mediet kineze, ajo bën me dije se nuk dihen ende pozicioni i saktë i saj dhe nëse kanë shkaktuar ndonjë dëm në ujë a në tokë.
Variani 5 B i Long March është hera e dytë që dështon, qysh prej fluturimit të parë në maj të 2020-s, kur copat e të parit variant ranë në Bregun e Fildishtë, duke shkaktuar dëme në ndërtesa, por jo në njerëz.
Sipas Bill Nelson, administrator I NASA-s, ish senator dhe astronaut i zgjedhur operacionet në Mars “vendet që ndërmarrin udhëtime në hapësirë, duhet të rrisin në maksimim transparencën sa u takon operacioneve të tilla dhe duhet të kujdesen që, në rast të rikthimit të objekteve hapësinore në tokë, rreziku për njerëzit dhe mjedisin të jetë jetë sa më i pakët.