Në një prej daljeve të tij publike këtyre ditëve, presidenti francez Emmanuel Macron ka deklaruar edhe rregullat e reja që do të jenë të detyruara të zbatohen në vend, krahas hapjes së tij.
Një prej masave të deklaruara prej Macronit, sipas medieve vendase, është kontrolli i detajuar nëpër kufijtë e Francës, sidomos ndaj udhëtarëve që vijnë prej vendeve me rrezik të lartë covid-19.
Ndërkaq, bëri me dije ai, nisur që prej gushtit, karta shëndetësore do të jetë e detyrueshme për të hyrë nëpër restorante, qendra tregtare, e po ashtu edhe kur udhëton me tren, avion apo autobusë që përshkojnë itinerarë të gjatë.
Macron bëri me dije edhe se tashmë testet PCR nuk do të jenë më falas për turistët e huaj, për shkak se edhe francezëve u duhet të paguajnë për këtë test kur ndodhen jashtë vendit.
Masat e marra kanë si qëllim të ngadalësojnë përhapjes e variantit Delta. Ky variant, pohoi Macroni, është tri herë më ngjitës se sa virusi fillestar, dhe përhapet menjëherë në vendet ku nuk është kryer vaksinimi. Kështu, duhet të punojnë për vaksinimin e të gjithë francezëve, përfundoi ai, duke e ftuar popullsinë të vaksinohet, sidomos ata mbi 60 vjeç e lart e po ashtu edhe ata me sëmundje specifike.
