Kreu i qeverisëë Rama i ka dalë kundër vendimit për rritjen e pjesëshme të pagave të administratës, duke lënë për një fazë të dytë rritjen e pagave të ministrave dhe deputetëve. Në fjalën e tij sot në Parlament, Rama tha se do të votonte kundër kwsaj pike, e se rritja duhej të aplikohej për të tërë njëherëshi.
“E vërteta është që deputetwt për misionin që ka”, tha Rama, “për punën që ju kërkohet dhe për çfarë duhet të bëjnë për të gjithë ata që i zgjedhin, e meritojnë pagën e propozuar, kjo nuk diskutohet. Sa e bëjnë punën, sa e përmbushin misionin, këto nuk lidhen me si vihet paga. Pra unë sot jam kundër. Unë po ju them, unë nuk e votoj këtë pikë. Për mua paga duhet të vendoset sot, dhe duhet të hyjë në fuqi ditën që bëhet rritja e pagës deri tek më i fundit. Pra nëse mësuesve dhe mjekëve të përgjithshëm, dhe shumë të tjerëve, u themi që ju do të merrni sot këtë rritje, dhe rritjen tjetër do ta merrni në harkun e vitit, dhe paga juaj do të jetë e plotë e rritur dhe ne do të kemi mesataren 900 euro në Shqipëri në mes të vitit të ardhshëm, atëherë edhe për deputetët dhe ministrat paga duhet të hyjë në fuqi, duhët t’ju vejë në llogari, vetëm kur të jetë bërë për të gjithë. Ky është qendrimi im. Përpara kësaj, është e pamoralshme. Këtu po dakord. Për solidaritet dhe për atë kush merr më shumë, duhet të bëjë më shumë. Ky është principi ynë”, vijoi Rama në fjalën e tij. “Debatin e parë, unë e kam bërë, vazhdoi ai, që të jetë piramidë, por mësova, që kjo nuk është e mundur, është e palogjikshme. Ne nuk mund të bëjmë diçka me arna, jo po se kështu, jo po se ashtu. Nuk mendohet populli. Gjëja e parë që duhet të bëni ju për popullin, është të të respektoni nervat e popullit, të respektoni faktin që populli përpiqet çdo ditë të rrisë e të edukojë fëmijë, të respektoni faktin që populli nuk duhet të godasë televizorin me shishe kur dilni ju në ekran, e pastaj kur për efekt të përgjigjes dalim dhe ne, e pastaj kush fle me qentë gdhihet me pleshta. Kjo është gjëja që mund të bëni ju për popullin, dhe të jeni të sigurt që kjo do ta rrisë ekonominë e Shqipërisë”, tha mes të tjerave kreu i qeverisë Rama.
