Në një deklaratë të sapopublikuar Partia Demokratike dhe koalicioni ku ajo bën pjesë kanë kërkuar përjashtimin e 7 gjyqëtarëve të Kolegjit Zgjedhor, me motivacionin se nuk garantojnë papanshmëri në gjykim për gjatë paditë e tjera.
Në deklaratën e publikuar në faqen e saj zyrtare, Partia Demokratike thekson se duke qenë se këta gjyqtarë e kanë shprehur tashmë mendimin e tyre kundër kërkesave të PD-së për gjedhjet, ata do të vazhdojnë me të njëjtin qendrim, gjë që I bën vendimet e tyre për 6 paditë e tjera të PD-së të jenë të paracaktuara, cka është në shkelje të Kushtetutës dhe Kodit Zgjedhor, për një process të paanshëm.
Deklarata e plotë
PD kërkon përjashtimin e 7 gjyqtarëve të Kolegjit Zgjedhor që refuzuan transparencën e zgjedhjeve në 3 qarqe: Nuk garantojnë paanshmëri në gjykim për 6 paditë e tjera
Partia Demokratike kërkon përjashtimin e 7 prej 8 gjyqtarëve e Kolegjit Zgjedhor, që kanë rrëzuar paditë për Gjirokastrën, Vlorën dhe Beratin. Me vendinet e dhëna deri tani, këta gjyqtarë, njësoj si komisionerët politikë të KAS, refuzojnë transparencën mbi masakrën zgedhore te 25 prillit. Refuzimi i i kërkesave të PD për marrjen zyrtarisht të provave i vendos këta gjyqtarë në pamundësi për të gjykuar me paanësi 6 kërkesat e tjera të ngjashme te PD për blerjen e votës dhe deformimin e rezultatit të zgjedhjeve përmes përdorimit të shtetit në funksion të PS. Në kërkesën për zëvendësimin e 7 gjyqtarëve të Kolegjit Zgjedhor, PD argumenton se duke qenë se këta gjyqtarë e kanë shprehur tashmë mendimin e tyre kundër kërkesave të PD për zgjedhjet, ata do të vazhdojnë me të njëjtin qendrim. Kjo bën që vendimet e tyre për 6 paditë e tjera të PD të jenë të paracaktuara, në shkelje të Kushtetutës dhe Kodit Zgjedhor për një proces të paanshëm. PD vlerëson se vazhdimi i ankimimeve me të njëjtën trupë zgjedhore, e cila është shprehur 3 herë me radhë kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë.
