Në takimin e radhës në Kukës, Basha u ka premtuar të rinjëve kuksianë se me ardhjen e tij në pushtet, do ta shndërrojë Kukësin në një prej inkubatorëve të teknologjisë së informacionit në vend.
Rini e Kukësit, tha ai në fjalën e mbajtur, unë krenohem me ju dhe shumë shpejt do të marrë fund diskriminimi që nga mbyllja e universitetit. Ju jap fjalën se një nga inkubatorët e teknologjisë së informacionit në bashkëpunim me universitetin më të shquar në këtë fushë në Austri do të hapet këtu në Kukës. Dhe do të rikthejmë Kukësin jo thjesht dhe vetëm në një qendër arsimimi, kualifikimi dhe investimesh gjermane, austriake, amerikane dhe të huaja për rininë e Kukësit, por do ta kthejmë në atë që e ka bërë Zoti kryeqendër të Rilindjes dhe krenari për ekonominë tonë, për kulturën tonë, për turizmin tonë.
