Është votuar ditën e sotme në Kuvend me 118 vota, zgjatja e mandatit të komisionit të vettingut, gjë e cila shkon në favor të vazhdimit të seleksionimit të gjyqtarëve e prokurorëve, me qëllimin e pasjes së nië drejtësie sa më të drejtë.
Por teksa Rama dhe Basha e mendojnë kështu, Berisha, i cili e deklaroi votën e tij kundër qysh pa hyrë në Kuvend, e cilëson dakordësinë e PD-PS si “një bashkëqeverisje të pengut me pengmarrësin”.
Ndërkaq, Komisioni i Rithemelimit të PD-së, në krye të të cilit është po Berisha, ka bërë publike një deklaratë, ku e cilëson votimin e sotëm të zgjatjes së mandatit të vettingut, si një hap që shkonte në kapjen e plotë të sistemi të drejtësisë prej qeverisë.
Ky projekt futi drejtesinë shqiptare në kolaps të rëndë, krijoi një stok prej 115 mijë dosjesh gjyqesore dhe u mohoi shqiptarëve të drejtën themelore për një proçes gjyqësor të drejtë, thuhet në deklaratën e tyre, bllokoi proçesin e integrimit, shndërroi Shqiperinë në epiqendër të trafiqeve drejt Europës dhe bllokoi investimet e huaja. Shqiptarët dhe demokratët panë versionin më të shëmtuar të një opozite fasadë, të marrë peng nga pushteti, e cila në diktatin e Edi Ramës detyrohet t’i thotë pengmarresit dajë dhe t’i sigurojë atij votat për kapjen e plotë dhe perfundimtare të sistemit të drejtësisë, thuhet mes të tjerave në deklaratën e Komisionit të Rithemelimit të PD-së.
