Teksa kreu i qeverisë Rama ka deklaruar ditën e sotme se Ilir Meta e ka bërë Shqipërinë qesharake me dekret presidencial, duke i ftuar deputetët e PS të propozonin tri emra normalë, kreu i shtetit Ilir Meta, ka publikuar në fejsbukun e tij një video ku shquhen arbëreshët e Civitas tek i këndojnë një këngë të vjetër arbëreshe.
“O yll i bukur, o yll i bukur,O yll i bukur, që nuk gjëndesh…”
Me këtë këngë të mrekullueshme arbëreshe ju uroj nga Civita një mbrëmje të qetë dhe të këndshme të gjithë shqiptarëve! shkruan Meta mbi videon e bërë publike, me gjasa një përgjigje diplomatike ndaj cilësimeve të Ramës si president jo normal.
