Pas deklaratës së Putinit për mobilizimin e popullësisë, në Rusi kanë shpërthyer në masë protestat. Nga sa bëjnë me dije mediat ruse, me qindra persona janë arrestuar ditën e djeshme në gjithë Rusinë, teksa zhvilloheshin manifestimet kundër mobilizimit ushtarak deklaruar prej presidenti Vladimir Putin.
Sipas monitorimit të policicë, bëjnë me dije mediat ruse, të paktën 525 manifestues janë arrestuar deri më tani në nivel kombëtar, gjysma e të cilëve rregjistruar në Moskë.
Lëvizja e opozitare e Vesnës dhe mbështetësit e kritikut të Kremlinit aktualisht në burg Alexey Navalnyt, i ftuan rusët të zbrisnin në shesh të martën në mbrëmje, për t’ju kundërvënë vendimit të Kremlimit, që synon të forcojë forcat ruse në Ukrainë, përmes një mobilizimi të pjesshëm.
Nga sa raportojnë mediat lokale, protestat e para ndodhën në zonat e Siberisë, ku me dhjetra persona u arrestuan thuajse pak minuta pas nisjes së protestave.
Grupe të vogla manifestuesish, mbanin në duar pankarta me shënimet “Jo luftë, jo mobilizim!” dhe “Burrat tanë, baballarët dhe vëllezërit, nuk duan të vrasin të tjerë burra e baballarë”.Ndërkaq, të tjera grupime të vogla u grumbulluan në Ulan- Ude, kryeqytetin e republikës së Buriazias, në Yakutsk, kryeqytetin e republikës së Sakhas, e po ashtu edhe në qytetet e Khabarovskut dhe Irkutskut.
