Ka nisur ditën e djeshme vaksinimi i studentëve nëpër auditore, qofshin ato private apo publike. Gjatë inspektimit të këtij procesi, ministrja e Shëndetëisë Manastrliu ka theksuar se fokusi I tyre tashmë si në të gjithë botën janë shkollat.
Pandemia na ka mësuar shumë, tha Manastriliu, por mbi të gjitha na ka mësuar se falë bashkëpunimit dhe solidaritetit mund tía dalim, ndaj edhe prësa i përket gjithë menaxhimit të pandemisë, ne kemi patur një mbështetje të pakufizuar nga qytetarët, qoftë nga fillimet e pandemisë, qoftë me mbylljen, qoftë më pas me vaksinimin që është shumë i rëndësishëm. Dhe tani që jemi dhe fokusi ynë është tek popullata +18 vjec, pra për rritjen e mbulesës vaksinale, fokusi janë shkollat, sepse ashtu sikurse në të gjithë botën po apelohet, një ndër pikat më të vështira dhe që është drejtuar fokusi i të gjithë institucioneve, qofshin ato shkencore, qofshin ato shëndetësore apo ato arsimore, është tek fëmijët, tek fëmijët të cilët duhet të jenë nëpër shkolla, duhet të jenë fizikisht për mirëqenien e tyre psiko-emocionale dhe padyshim edhe për studentët të cilët duhet të jenë nëpër auditore, sepse janë ata të cilët duhet të jenë profesionistët tanë të ardhshëm nesër. Ne kemi fokusin për të pasur një mbulesë të lartë vaksinale tek mësuesit, sqaroi Manastriliu, tek arsimtarët në përgjithësi, pedagogët, por edhe tek edukatorët e kopshteve dhe cerdheve. Janë mbi 40 mijë punonjësit në sistemin tonë arsimor, përfshi dhe universitetet.
Deri më tani, tha Manastirliu, kemi vendosur një mbulim prej 66% të vaksinuar me dy doza.
