Edhe pse këtë javë do të vihet re një ngritje e lehtë e temperaturave, do të jenë rreshjet ato që do të na shoqërojnë tërë javën.
Në parashimin e motit për këtë javë Shërbimi Metereologjik Ushtarak parashikon se vendi ynë do të karakterizohet këtë javë nga një mot i paqendrueshëm, me vranësira e rreshje.
Sa më poshtë njoftimi i plotë i SHMU-së
Java që presim përara pritet të jetë një javë komplet e paqëndrueshme me masa ajrore të lagështa dhe të paqëndrueshme me origjinë jugperëndimore. Në këtë mënyrë si për ditën e Hënë ashtu dhe ditën e Martë moti parashikohet me vranësira kryesisht të dendura (përjaahto kthjellimet e pakta në orët e para të mëngjesit). Për këto dy ditë parashikohen reshje shiu të herëpashershme dhe lokalisht të vazhdueshme me inteniste mesatar dhe të lartë në formën e rrebesheve dhe stuhive shoqëruar me shkarkesa elektrike dhe breshër. Reshjet me intensitet të lartë për këto dy ditë parashikohen më tepër përgjatë ultësirës perëndimore. Edhe dita e Mërkurë dhe ajo e Enjte vijojnë me kushte atmosferike relativisht të paqëndrueshme. Moti parashikohet me alternime kthjellimesh e vranësirash deri të dendura. Reshje shiu të herëpashershme me intensitet të ulët deri mesatar në formën e shtrëngatave. Gjatë ditës së Enjte në zonën e veriperëndimit dhe pjesërisht qendër përsëri reshje shiu intensit të lartë në formë rrebeshesh dhe stuhi. Java mbyllet me ditën e Premte e mot me alternime kthjellimesh e vranësirash deri të dendura. Reshje shiu të herëpashershme me intensitet të ulët deri mesatar në formën e shtrëngatave.
