Kemi një miniekslips Dielli, që do të thotë që nuk është aq i ngarkuar saç ishte ai i Hënës. Ky eklips lidhet më tepër me pjesën e materies, tek pjesa e lekut e ekonomisë dhe trupit tonë, që do të thotë se duhet të vazhdojmë të jemi të kujdesshëm me pjesën e virozave, jo gjëra të vështira, por ndoshta edhe nga lodhja, e po ashtu mund të kemi edhe bilance jo pozitive të projektimit ekonomik.
Në përgjithësi kjo periudhë nuk favorizon as projektet afat shkurtër, as afatmesëm, as afat gjatë, që do të thotë, ndoshta paqartësia e zhvillimeve, ndoshta situata në rang botëror, e bëjnë pak të vështirë kuptimin e asaj se ku mund t’i çojmë gjërat praktike tonat, në të nesërmen afatshkurtër apo afatgjatë.
Për pjesën tjetër duket sikur kalimi i Venusit tek Peshqit në të kundërt, do të bëjë të mundur që nga pjesa e dashurisë të duam ta mbyllim muajin me dëshirën për të treguar më të mirën e emocioneve tek njerëzit që duam.
Kjo periudhë, deri nga data 19 majit, edhe pse jemi i lodhur nga ky Mars tek Gaforrja që prej shtatorit, na jepet për të zgjidhur, për të konsoliduar, për të qartësuar raportet familjare.
Është shumë e rëndësishme të merremi me njerëzit e shtëpisë, me njerëzit e familjes, për t’i ndihmuar, për t’i sqaruar, për të bërë rivendosje të forta sa i përket dashurisë dhe familjes si koncept, sepse jemi në prag ndryshimesh mjaft të mëdha, dhe një nga institucionet e rëndësishme të njeriut që është familja, nëse nuk ka bazë të fortë, do të ketë problematika në vazhdimësi.
Kështu që ta shfrytëzojnë deri nga data 19 këtë periudhë, për t’u afruar sa më afër dhe për të konsoliduar familjet.
Sa u përket ndjesive, përveç faktit që do të tregojmë më të mirën në emocione, do ishte mirë të mos merreshim shumë me sqarime, sepse edhe Mërkuri është tranzit, e do të futet tek Peshqit po në datën 30, dhe në 30 kemi edhe kalimin e Neptunit tek Dashi, për të cilin do të flasim më vonë, por janë hyrje të forta dhe energji e fortë.
