Në mes të Romës pa asnjë kacidhe në xhep, policia italiane shpëton gruan shqiptare me 5 fëmijë

Një lajm ka bërë bujë ditën e sotme në mediat italiane, të cilat njoftojnë se policia e Romës ka shpëtuar jetën e një gruaje me pesë fëmijët e saj, të cilët kishin qenë në mes të plevitit pa asnjë kokërr leku në xhep.
 
Nga sa raportojnë mediat italiane, familja kishte ardhur në kryqytetin Italian për të bërë një vizitë në spital dhe nuk kishte ku të qendronte e as mjete të tjera ndihmëse. 

Po sipas mediave italiane, teksa patrullonte, njësia e policisë kishte shquar një grua 41 vjeçare, e cila rrinte   me pesë fëmijët e saj, të gjithë të mitur e dukshëm të varfër, në mes të Romës, në “Piazza delle Rovere”. 

Agjentët u kishin shpënë menjëherë ushqim, duke i strehuar mandej në zyrat e tyre në Via del Falco, në pritje për të gjetur një strehim më të përshtatshëm.

Aktualisht, bëjnë me dije mediat italiane,  familja shqiptare me nënën dhe pesë fëmijtë e mitur, ndodhet në një shoqatë vullnetare.