Nga dita e sotme deri më 27 mars të 2023-it, ora do të shkojë 60 minuta, pas duke u kthyer në atë që më së shumti cilësohet si ora solare.
Ndryshimi i orës gjatë këtyre viteve ka hasur shumë debate, duke folur jo vetëm për “stresin e përshtatjes” që tek shumë njerëz shoqërohet me dhimbje koke, shpërqendrim, nervozitet e pagjumësi, por edhe për kostot financiare që mbart ky ndryshim, sa i takon shpenzimit të burimeve për ngrohje.
Kështu janë të shumtë ata që mbështesin se përshtatja e orës ligjore për tërë vitin (kjo që kishim deri më tani), do të ishte më e efektshme për njerëzit. Do të siguronte jo vetëm një marrje më të madhe të vitaminës D, pakësonte shqetësimet e gjumit, por do ndihmonte edhe në kursim, meqë njerëzit do vazhdonin të ishin të përfshirë në aktivitet e tyre dhe një orë më vonë.
Europa ndërkaq ka vite që diskuton ta mbajë orën legale për tërë vitin, por pavarësisht se është e qartë në qendrimin e saj, sërish vendimi nuk është marrë akoma.
BE e unifikoi për herë të parë orën legale më 1980, me qëllimin për të siguruar një qasje harmonike në tregun e përbashkët. Më përpara, praktikat kombëtare të vendeve të ndryshme të vënies së orës ligjore ndryshonin.
SIpas direktivës aktuale të BE-së mbi orën ligjore, më 27 mars kalohet në orën ligjore, për t’u kthyer në orën solare sërish të dielën e fundit të tetorit.
