Regjisori amerikan David Lynch është ndarë ditën e sotme nga jeta në moshën 78-vjeçare.
Lajmi u raportua nga revista “Variety”, e cila e përshkruan regjisorin amerikan si atë që ndryshoi historinë e kinemasë e të televizionit me serialin “Twin Peaks”.
Në 2024, Lynch zbuloi se qe diagnostikuar me emfizemë pulmonare dhe me gjasë nuk do ishte më në gjendje të drejtonte filma apo seri televizive.
Vdekjen e tij e njoftoi familja përmes një postimi në Facebook, ku shkruante: “Ka një boshllëk të madh në botë tani që ai nuk është më me ne. Por, siç na tha edhe vetë, mbajini sytë te donatsi dhe jo tek vrima”, përfundon njoftimi i tyre.
