Agjencia e Barnave Amerikane ka miratuar të premten për motive emergjente vaksinën e dytë ndaj covid-19, atë të Moderna-s. Vendimi erdhi pas një mbledhjeje të grupit të ekspertëve, për të diskutuar mbi efektshmërinë dhe efektet anësore të vaksinës, ku njëzet anëtarë votuan pro përdorimit të saj tek amerikanët mbi 18 vjec, ndërkohë që njëri tyre abstenoi.
Vaksina e Moderna-s, ashtu si e Pfizer-it merret në dy doza, dhe ka rezultuar e efektshme thuajse 95 %.
Përbërja e saj është e ngjashme me vaksinën e prodhur prej Pfizerit, që mori miratimin javën e shkuar, dhe të dyja vaksinat përdorin mRNA ose mesazherin RNA, për t’i mësuar trupit njerëzor si ta njohë proteinën ‘spike’ të koronavirusit (ajo që është shfaqur shpesh në ilustrimet e virusit), me qëllim marrjne e një përgjigjeje të fortë imunitare, nëse virusi takohet vërtet.
Por mes dy vaksinave ka një ndryshim thelbësor: flakoni i Moderna-s nuk duhet ruajtur në të njëjtën temperaturë të ulët si ai i Pfizerit. Ai mund të ruhet në frigoriferë normalë, duke lehtësuar kështu shpërndarjen nëpër strukturat që mund të mos kenë pajiset e specializuara.
E në një kohë një Moderna këshillohet për moshat nga 18 e sipër, Pfizer kap një fashë më të gjerë njerëzish dhe sugerohet për moshat nga 16 vjec e sipër.
Përmes procesit të revizionimit shkencor të hapur dhe transparent të FDA-së, dy vaksinat covid-19 janë autorizuar brenda një kohe të përshpejtuar, duke respektuar standartet rigoroze të sigurisë, efektshmërisë dhe cilësisë së nevojshme të vaksinave, për të dhënë autorizimin për përdorimin emergjente, siç edhe pritet prej FDA-së, – u shprej Stephen Hahn, drejtuesi FDA. Janë të njëjtat standarte që përdorëm për revizionimin edhe të vaksinës së parë kundër covid, të cilat kemi qëllim t’i përdorim ndaj çdo lloj vaksiene tjetër covid 19, – sqaroi ai.
Moderna, një agjenci me seli në Masaçutses, parashikon të prodhojë reth 20 milionë doza brenda fundit të vitit. Ka qenë nga të parat ndërmarrje që ka pranuar financimin e premtuar nga qeveria e Sheteve të Bashkaura, për të ndihmuar kërkimin dhe zhvillimin e vaksinëns anti-covid. Në këmbim, qeveria federale do marrë 200 milionë doza, të cilat do t’i shpërndajë në të tërë vendin.
Provat klinike të Moderna-s, sugjerojnë që vaksina e saj i mbron njerëzit jo vetëm të mos sëmuren nga covid, por edhe të mos preken nga efektet më negative rë virusit
Disa efekte anësore të sajat janë dhimbje në vendin e injeksionit, lodhje, dhimbje koke e dhimbje muskulore, të cilat ikin pas një a dy ditësh.
