Ministri i shëndetësisë turke Fahrettin Koca, në një konferencë për shtyp ditët e fundit mbi situatën covid-19 në Turqi, është shprehur se numri i të prekurëve me variantin Delta është shtuar disi në vend.
Koca pohoi se autoritetet turke nuk do të donin ta bënin të detyrueshme vaksinimin, ndaj kanë vendosur ta bindin publikun për rëndësinë e imunizimit.
Turqia, theksoi ai, i ka vënë synim vetes të vaksinojë 70 % të popullsisë, me të paktën një injeksion, duke konfirmuar se rreth 61% e popullësisë nga 18 vjeç e lart, janë vaksinuar tashmë me një dozë.
Sa i takonte variantit Delta, Koca pohoi përpara gazetarëve në vend, se rastet me këtë variant në Turqi shkojnë tek rreth 750 mijë persona, dhe se ky variant është gjenduar në thuajse 36 provinca, shto këtu edhe tri variante të të ashtuquajturit Delta plus, një mutacion i variantit Delta, regjistruar në tri provinca të Turqisë.
Nisur nga situata, bëjnë me dije mediet në vend, ministri e vuri theksin tek vaksinimi në masë, për shkak se edhe rritja e numrit të të prekurëve, qe vënë re në ato vende ku vaksinimi kishte qenë i ulët.
Sa i takonte një mbylljeje të mundshme të vendit, Koca u shpreh përpara gazetarëve, se autoritetet shëndetësore në vend nuk e shihnin të vlefshme një gjë të tillë dhe se prisnin që kombi të respektonte masivisht masat e higjenës.
