Ish-kampioni i botës në Formula 1, Michael Schumacher, i cili u plagos rëndë në një aksident me ski në vitin 2013, është bërë gjysh.
Vajza Gina është bërë nënë për herë të parë pak ditë më parë.
Lajmin e ka bërë me dije vetë Gina, e cila ka publikaur një foto dhe emrin e vogëlushes: Millie.
“Mirë se erdhe në botë, Millie”, shkruan ajo. “E lindur më 29 mars, zemrat tona janë më të mbushura se kurrë. Jemi shumë të lumtur që të kemi në jetën tonë”, ka shkruar vajza e ish-pilotit të Ferrarit.
Babai i foshnjës, bashkëshorti i Gina-s, është ish-sportisti dhe sipërmarrësi Iain Bethke. Çifti u martua në Majorka në shtator 2024 dhe jeton shumicën e vitit në Schumacher Ranch në Shtetet e Bashkuara.
Sipas Bild, Millie e vogël ka lindur në Zvicër, që është edhe vendlindja e të ëmës, Gina Schumacher.
