Edhe ditën e sotme, kreu i shtetit shqiptar Ilir Meta është prononcuar për mediat nga qyteti I Vlorës, ku me gjasa më 25 prill do të zhvillohet një betejë e fortë elektorale.
I ftoj të gjithë qytetarët e Vlorës, tha Meta në prononcimin e sotëm, sidomos të rinjtë e të rejat, të nxitojnë drejt kutive të votimit më 25 prill, të votojnë që vendi të hyjë në shinat e demokracisë, të votojë që t’u japë këtyre të rinjëve e të rejave mundësinë që të jetojnë e të punojnë në Vlorë, dhe po ashtu të refuzojnë çdo ofertë për blerje votash, për tjetërsim të vullnetit të tyre. T’i qëndrojnë fort çdo presioni, çdo përpjekjeje për të shantazhuar dhe zhvlerësuar fuqinë e tyre, që është vetëm vota e tyre, gjithashtu ftoj qytetarët e vlorës të votojnë për kandidatët dhe kandidatet që luftojnë më tepër korrupsionin. Sepse korrupsioni, kapja e shtetit, qendrore apo vendore, siç është me banditin e importuar nga Astiri, që ka ardhur vetëm për të bërë presione dhe për të keqpërdorur administratën për blerje votash. Unë kam vetëm një interes, tha Meta. Vlora e vlonjatëve!
Kujtojmë që presidenti Meta ka deklaruar se do të rrijë në Vlorë deri në ditën e zgjedhjeve, pikërisht për të shmangur vjedhjen e votave, që, sipas tij, ka ndërmend të kryejë PS-ja.
