Në konferencën e dhënë për mediat mbi situatën që degjeneroi në sherr banal në zyrat e FRD-së, mes përfaqësuesëve të policisë bashkiake dhe presidentit Meta, ky i fundit ka ashpërsuar tonet politike ndaj Bashkisë së Tiranës dhe Partisë Socialiste, duke i quajtur “bandë që kërkon të dhunojë pluralizmin politik dhe zgjedhjet e lira”.
Në përgjigjet e pyetjeve dhënë gazetarëve të pranishëm, Meta, pasi ka shpjeguar shkeljet ligjore nga ana e Bashkisë së Tiranës përballë FRD-së, është shprehur edhe se reagimi i tij i dhunshëm në zyrat e FRD-së lidhet me përpjekjet e tij për të bërë të mundur sigurimin e zgjedhjeve të lira e të ndërshme: “Ju mendoni se presidenti duhet të reagojë pasi bëhen zgjedhjet, sipas modelit të Shijakut, Dibrës dhe Bashkisë Tiranë? E keni shumë gabim, do të reagojë shumë më përpara, u shpreh ai përpara gazetarëve. Presidenti dhe e gjithë Shqipëria, nuk do reagojnë si populli i Kirgistanit, se e pësuam njëherë në 2017- n, duke pritur nga të tjerët që të na garantonin zgjedhje të lira e të ndershme… Dhe nëse dikush nuk shqetësohet për këto sjelljet skandaloze, të Bashkisë së Tiranës ndaj një force politike, që ka 5 vjet që kryen aktivitetin e saj atje, në qendër të Tiranës, sigurisht që shqetësohet Presidenti, se di me mijëra dhjetra raste të tilla, me letra bakalli, që tek Astiri, tek Shkoza, Bregu i Lumit, se si janë dhunuar të drejtat e pronës. Dhe kjo ka ndodhur se u dhunuan zgjedhjet në Shijak e në Dibër, se dhunuesit zgjidhen deputetë dhe Presidenti nuk ka për të heshtur njw sekondë të vetme. Ndërsa analistëve të paguar që kanë nga 30-40 shtëpi që ua jep Lali Fiku, për të thënë që ç’rëndësi kanë këto, po na ngriti tonin presidenti, mos prisni president të përsosur në këtë krizë që ka pllakosur initiucionin e së drejtës dhe demokracisë në vendin tonë.
Presidenti, ka vazhduar ai, ka një plan të qartë për mbrojtjen e zgjedhjeve. Presidenti ka vetëm njw votë dhe do që vota e tij të jetë e barabartë me votën e çdo qytetari të Shqipërisë dhe çdo qytetar i Shqipërisë, t’i thërrasë mendjes, se nëse është pa punë, nëse është në atë gjendje që venë i ofrojnë ndihma me Abi Bank, i keni parë ju, që i censurojnë e me lloj lloj mënyrash të shtira, kjo ndodh se qytetarwt shqiptarw nuk kanë treguar përgjegjëgjshpërinë e duhur ndaj votës, nuk e kanë treguar fuqinë e tyre. Aty është edhe e drejta e punës, edhe ndihma ekonomike sociale, edhe e dreja e pronës, aty janë të gjitha problemet… Kur dhunohet një parti politike, në prani të presidentit, si mund të trajtohet qyteari i thjeshtë, si mund të jenë zgjedhjet të barabarta, u shpreh Meta.
