Në konferencën më shtyp dje nga Vlora, kreu i shtetit Meta ka bërë me dije se ka qenë tërë kohës në dijeni të situatës në Albcontrol thuajse prej 1 viti, dhe se ka komunikuar vazhdimisht me kontrollorët, ministren Balluku, kreun e qeverisë Rama, zyrtarë të Eurocontrol-it e po ashtu edhe me përfaqësitë e huaja europiane, duke i paralajmëruar që të mos e lejonin situatën të precipitonte, pikërisht për të shmangur këtë që ndodhi.
Ngjarja nuk duhej të ndodhte, u shreh ai, si nga ana e qeverisë, si nga e kontrollorëve, se cënon jo vetëm detyrimet e shtetit ndaj qyetarëve, por mund të cënojë edhe sigurinë kombëtare, e po ashtu edhe atë ndërkombëtare, se jemi vend i NATO-s. Prej më shumë se 10 muajsh, Sindikata e Kontrollorëve, ka ngritur problematikën e tyre dhe, për fat të keq, nuk ka pasur asnjëherë dialog mes përfaqësuesëve të Ministrisë dhe autoriteteve zyrtare. Për këtë çështje jam njoftuar disa herë, kam kërkuar sqarime, kam dërguar edhe unë disa herë shkresa, duke e parë problematikën pa zgjidhje.
Më 31 mars i kam pritur ata në një takim, për të cilin është mbajtur edhe një procesverbal, ku ka një qëndrim të qartë të Presidentit. Ata nënvizonin fatin që të drejtat e tyre legjitime të punës qenë cënuar, dhe kundërshtonin pezullimin e të drejtave të fituara me të drejtë pa një afat të pacaktuar. Sipas tyre, askush nuk kishte treguar gatishmërinë për të diskutuar me ta çështjet e ngritura. U kemi dërguar letër edhe kryeministrit Rama, edhe ministres Balluku, edhe Albcontrol-it, edhe partnerëve ndërkombëtare, ku jemi shprehur se kjo situatë duhet të shihet me përparësi, se mund të cënojë siguroinë kombëtare dhe atë ndërkombëtare.
Teksa bën me dije se u ka kërkuar kontrollorëve të qendrojnë në punë, e të punojnë me përgjegjshmëri të lartë, derisa situata të zgjidhet, Meta u shpreh se më 2 prill i kishte kërkuar Ministrisë së Transporteve ta shihte me përparësi situatën, por tha ai, Ministria nuk u angazhua për të zgjidhur situatën, por për të shantazhuar kontrollorët, si dhe hequr nga puna të disa prej tyre. Pas shkarkimeve të disa kontrollorëve, kanë filluar dhe largimet në masë nga puna.
Çështja e pagave, theksoi Meta, është çështje e pagave të planbiznesit në Albcontrol-it, të cilin e aprovon edhe Eurocontol-i. Albcontrol ka një llogari financiare në Eurocontrol, ku derdhen të ardhurat që i takojnë Shqipërsë nga tarifat dhe kostot për kalimet në hapësirën shqiptare, të menaxhuar nga Albcontrol. Nëse ka ndonjë problem me bllokimin e një llogarie të tillë, duhet të jepet arsyeja dhe duhet punuar për një zgjidhje tjetër të pranueshme, duke respektuar kontratat e punës sipas standardeve të institucioneve europiane. Ndaj, në këtë moment delikat, dua të shpreh keq ardhjen për veprimin e atyre kontrollorëve, qoftë të atyre që janë provokuar, qoftë të atyre që janë larguar nga puna, në shenjë revolte apo proteste, por në radhe të parë dua t’i bëj thirrje kryeministrit në detyrë t’i thërrase mendjes. T’i thërrasë mendjes, sepse nuk mund të bëhen lojra të tilla në një moment të tillë, për të githa arsyet që unë përmenda dhe nuk jemi ne Amerikën latine këtu të para disa dekadave, prandaj, unë nuk e humbas durimin dhe nuk shqetësohem nga provokimet e qëllimshme që bëhen, të cilat, në fakt, kanë vetëm një problem, dramën e zgjedhjeve pluraliste, që një mendje marrë do për ato zgjedhje që vijnë në 25 prill, të cilat do bëhen dhe nuk i luan topi!
