Drejtuesit e Muzeut Historik kanë njoftuar ditën e sotme se ky muze do të qëndrojë i mbyllur për katër vjet, nga Marsi i 2024-s deri në Mars të 2028-s, për arsye restaurimi.
Një pjesë e mirë e intelektualëve në vend janë të shqetësuar prej kësaj mbylljeje, pasi tashmë në Tiranë nuk ka më sipas tyre, as teatër kukullash, as Muze Historik, pra me pak fjalë, asgjë historike që mund të dëshmojë historinë e shqiptarëve, siç eshë ka qenë në qendër të Tiranës.
Sa më poshtë, njoftimi i plotë i drejtuesve të Muzeut Historik Kombëtar.
NJOFTIM!
Të nderuar drejtues të agjencive turistike, drejtues të tureve kulturore dhe palë të tjera të interesuara, ju bëjmë me dije se:
Në kuadër të zbatimit të projektit “Restaurimi, rikonstruksioni dhe muzealizimi i Muzeut Historik Kombëtar, Tiranë”, Muzeu Historik Kombëtar do të jetë i mbyllur për vizitorët për periudhën 15 Mars 2024 deri më datë 15 Mars 2028.
Ju falenderojmë për mirëkuptimin tuaj!
