Kanë ngjallur ilaritet të madh në rrjet, fotot videoja e darkës së ministrit të Shtetit për Rindërtimin Arben Ahmetaj, ministres së Infrastrukturës Belinda Balluku dhe biznesmenit Samir Mane, të cilët janë duke darkuar së bashku në një prej restoranteve më të njohura në Dubai, atë të Nusretit.
Sipas medieve në vend, videon, e cila ka bërë xhiron e rrjetit, e ka shpërndarë në Instagramin e tij vetë kuzhinieri i njohur, i cili pas reagimeve të shumta, e ka fshirë nga llogaria e tij.
Në video shquhen qartë nënkryetari i Bashkisë Tiranë, Mazniku, ministri i Shtetit për Rindërtimin Ahmetaj, biznesmeni Samir Mane dhe ministrja e Infrastukturës Belinda Balluku, e cila, jo më larg se dje, raportoi nga Dubai për situatën e përmbytjeve në vend.
Kujtojmë që Samir Mane përflitet gjerësisht në vend, si një prej oligarkëve të lidhur ngushtë me pushtetin.
