Ka reaguar pas deklaratës së ministres Kushi, edhe akademiku Artan Fuga, i cili në një status të tijin këmbëngul se qasja e ministrisë së Arsimit dhe ministres për uljen kufirit minimal të pikëve për çdo notë, është i gabuar, dhe se nëse pyetjet janë gabim anulohet konkurësi dhe nuk ndryshohet korrigjimi.
Çfarë bëhet kështu? shkruan Fuga në faqen e tij në fejsbuk. Asnjë tezë provimi nuk dinë ta bëjnë? Sa bëjnë 2 edhe 2?
Ka filluar një yrnek i ri. Qysh nga viti që kaloi!
Maturantë, ndofta me të drejtë, protestojnë për testin e maturës pas provimit përpara ministrisë, dhe nga ministria vjen përgjigja : “Mos kini merak se po pati teprime testi do i korrigjojmë ndryshe përgjigjet!”
Hahahahahahahahahahahahahahaahahahahahahaha!
Ku shkojmë kështu? Edhe ushtrimet e matematikës mbi bazën e politikës do t’i korrigjojmë? Mbi bazën e manifestuesve në shesh!
Imagjinoj një skenë:
Sa bëjnë 2 plus 2?
Prit pak sa të shoh nga penxherja!
Atje poshtë turma që thërret: Pesëëëëë!
2 plus 2 bëjnë 5 atëherë!
Po këta që thonë se bëjnë 4?
Ata na e kanë me t’futme!
Ore sa bëjnë vërtetë?
Nëse pyetjet janë të gabuara, anullohet konkursi a provimi, nuk ndryshohet korrigjimi. Provimet e maturës nuk janë si procese elektorale, ku ndryshohet proces-verbali i votimit!
Çfarë bëhet mo kështu? Asnjë tezë provimi nuk dinë të bëjnë gjytyrymat?, përfundon akademiku Fuga.
